Azerbaýjanyň Döwlet nebit kompaniýasy (SOCAR) Awstriýa we Germaniýa Azerbaýjan tebigy gazynyň iberilmegine başlady. Bu barada “Report” neşirine kompaniýa salgylanyp habar berdi.
Habarda bellenilişine görä, SOCAR Günorta we Merkezi Ýewropanyň bazarlarynda Azerbaýjan gazynyň iri möçberlerini Günorta gaz koridorynyň Ýewropa bölegi bolan Transadriatik gaz geçirijisi (TAP) arkaly satmagy dowam etdirip, Azerbaýjandan gaz eksportynda täze we möhüm tapgyry işe girizdi.
Bellenilişi ýaly, 2026-njy ýylyň ýanwaryndan başlap, Azerbaýjan gazy beýleki ýurtlar bilen bir hatarda Awstriýanyň we Germaniýanyň alyjylaryna hem iberilip başlandy.
Italiýanyň üsti bilen bu ýurtlara amala aşyrylýan eksport Ýewropada Azerbaýjanyň gazynyň geografik gerimini has-da giňeldýär. Şeýlelikde, Azerbaýjanyň gazyny import edýän ýurtlaryň sany 16-a ýetdi.
Azerbaýjanyň Prezidenti Ilham Aliýewiň ýolbaşçylygynda emele getirilen gaz strategiýasynyň çäklerinde hereket edýän SOCAR Ýewropada we Ýakyn Gündogarda marketing işjeňligini yzygiderli giňeldýär, daşary ýurtly hyzmatdaşlar bilen hyzmatdaşlygyny artdyrýar we Azerbaýjanyň halkara bazarlarda ygtybarly energiýa üpjün ediji hökmünde ornuny berkidýär.