Ysraýylyň hökümeti 60 ýaşdan uly bolan adamlara “Pfizer/BioNTech” koronawirus sanjymynyň 4-nji dozasyny almagy maslahat berýär. Bu hem dünýäde “omikron” görnüşiniň çalt ýaýramagy bilen baglanyşyklydyr.
Ysraýylyň metbugatynyň habar bermegine görä, 60 ýaşdan uly bolan adamlar we lukmançylyk edaralarynyň işgärleri 4-nji dozany alyp bilerler. Sanjymy 3-nji dozany alandan soňra 4 aýdan soň almak maslahat berilýär.
Mälim bolşy ýaly, ikinji bilen üçünji dozanyň arasyndaky wagt aralygy 5 aýdan 3 aýa çenli azaldyldy.
Ysraýylyň Premýer-ministri Naftali Bennett raýatlary çalt sanjym bolmaga çagyrdy. Onuň bellemegine görä, Ysraýyl 3-nji dozany hem alyp başlan ilkinji ýurtlaryň biridir.
Bilşimiz ýaly, iýul aýynyň ahyrynda 3-nji doza 60 ýaşdan uly adamlara hödürlenip başlandy. Awgust aýynyň ahyrynda bolsa 16 ýaşdan ululara ikinji dozanyň üstünden 5 aý geçen bolsa 3-nji dozany almak maslahat berildi.
Ysraýylda 4-nji dozanyň edilmegi babatdaky çözgüt ýurtda “omikron” görnüşi bilen 150 wakanyň hasaba alnandygy baradaky maglumatdna soňra kabul edildi.