Şu gün Türkmenistanyň Prezidenti Serdar Berdimuhamedow Ahal welaýatynyň täze, döwrebap edara ediş merkezindäki binalaryň we desgalaryň gurluşyklary bilen tanyşdy we şol ýerde Ministrler Kabinetiniň göçme mejlisini geçirdi.
“Watan” habarlar gepleşiginde bellenilip geçilişi ýaly, Türkmenistanyň Prezidentiniň Permany bilen Şamuhammet Durdylyýew Ahal welaýatynyň täze döwrebap edara ediş merkeziniň şäheriniň häkimi wezipesine bellendi.
Şeýle hem Türkmenistanyň Prezidentiniň Karary bilen, Ahal welaýatynyň täze döwrebap edara ediş merkeziniň şäheriniň häkimligi döredildi.
Şamuhammet Durdylyýewiň gurluşyk we şäher dolandyryşy boýunça uly tejribesi bar. Hünär boýunça gurluşyk inženeri bolmak bilen, gurluşyk ulgamyna degişli dürli wezipelerde işledi. Ol Ministrler Kabinetiniň Başlygynyň orunbasary we Aşgabat şäheriniň häkimi ýaly wezipeleri alyp bardy. 2021-nji ýylyň iýulynda “Aşgabat-siti” gurluşyk kärhanalarynyň direksiýasynyň ýolbaşçysy wezipesine bellenipdi.