Angliýanyň “Liwerpul” toparynyň müsürli hüjümçisi Mohamed Salah möwsümiň ahyrynda bu topardan gidýändigini mälim etdi. Bu barada “Sky Sports” neşiri habar berýär.
– “Liwerpul” topary bilen Angliýanyň çempiony bolmagy isleýärin. Bu meniň topardaky soňky ýylym, şonuň üçin bu şäher üçin aýratyn bir zat etmek isleýärin – diýip, Salah belledi.
32 ýaşyndaky müsürli futbolçy täze şertnama boýunça topary bilen hiç hili öňegidişligiň gazanylmandygyny belledi. Onuň häzirki şertnamasy 2025-nji ýylyň tomsunda tamamlanýar.
2017-nji ýyldan bäri “Liwerpulda” çykyş edýän Salah 375 duşuşykda 231 gol geçirdi. Ol bu möwsümde 26 duşuşykda 20 gezek tapawutlandy.