Russiýanyň futbol boýunça milli çempionatyny 2021-2022-nji möwsümi tamamlandy. “Tinkoff” ady bilen geçirilen möwsümde “Zenit” topary çempion boldy. “Soçi” topary çempionatda ikinji, “Dinamo” topary bolsa üçünji orny eýeledi.
Bir döwürler ildeşimiz Gurban Berdiýewiň tälim beren “Rubin” topary bolsa çempionatda soňky orunlaryň birini eýeläp, ýokary ligadan birinji liga düşdi.
“SSKA” TOPARY ZAGOÝEW WE FERNANDES BILEN HOŞLAŞDY
Russiýanyň güýçli toparlaryndan “SSKA” topary çempionatda 5-nji orny eýeledi. Toparyň düzümindäki Mario Fernandes futbol karýerasyny tamamlady. Alan Zagoýew bolsa, “SSKA” topary bilen soňky duşuşygyna çykdy. Bu iki futbolçy topary bilen hoşlaşyk duşuşygyna çykdy.
“RUBIN” ILKINJI GEZEK 1-NJI LIGA DÜŞDI
Tatarystanyň “Rubin” topary çempionatyň soňky duşuşygynda “Ufa” toparyndan 2:1 hasabynda utulyp, ýokary ligadan birinji liga düşdi.
“Rubin” topary 30 duşuşykda 29 utuk jemläp, soňkudan bir öňki orny eýeledi. Şeýlelikde, bu topary indiki möwsümde “Olimp” diwizionynda çykyş eder. Topar mundan ozal, 2002-nji ýylda bu diwizionda oýnapdy.