Iş duşuşygynyň çäklerinde “Gazprom” açyk paýdarlar jemgyýetiniň dolandyryjylar geňeşiniň başlygy Alekseý Miller bilen Gazagystan Respublikasynyň Premýer-ministriniň birinji orunbasary Roman Sklýar tebigy gaz pudagyndaky hyzmatdaşlygyň ösüş mümkinçiliklerini ara alyp maslahatlaşdylar. Bu barada rus kompaniýasy habar berdi.
Taraplar Gazagystanyň tebigy gaza bolan artýan islegini göz öňünde tutup, uzak möhletleýin hyzmatdaşlyga gönükdirilendiklerini bellediler.
Gazagystan gazynyň Russiýada uzak möhletleýin gaýtadan işlenmeginiň esasy şertleri boýunça ylalaşyga gol çekildi. Resminama Karaçaganak käniniň gazyny Orenburg gazy gaýtadan işleýiş zawodynyň kuwwatlyklarynda gaýtadan işlemek babatda hyzmatdaşlyk baradaky ylalaşyklary öz içine alýar. Russiýanyň bu zawodyny gaýtadan döwrebaplaşdyrylmagy göz öňünde tutulýar.
Gazagystan gazynyň Russiýada uzak möhletleýin gaýtadan işlenmeginiň esasy şertleri boýunça ylalaşyk baglaşyldy
Russiýadan Gazagystana täze esasy gaz geçirijisini gurmak taslamasyny durmuşa geçirmek boýunça özara düşünişmek ähtnamasyna hem gol çekildi.