2022-nji ýylda “Gazprom” kompaniýasy Hytaýa iberilýän ýangyç boýunça ýyllyk borçnamany artygy bilen ýerine ýetirdi. Hytaý Halk Respublikasyna eksport edilen tebigy gazyň ýyllyk möçberini artdyrmak ugrunda tagalla edýär. Bu barada kompaniýanyň ýolbaşçysy Alekseý Miller belledi.
– Hytaýly kärdeşlerimiziň haýyşy boýunça biz 31-nji dekabrda bir gije-gündizdäki göz öňünde tutulan möçbere ýetdik. Şeýlelikde, 2023-nji ýylyň 1-nji ýanwaryndan “Gazprom” Hytaýa tebigy gaz ibermekde täze dereje çykdy – diýip, Milleriň çykyşy kompaniýanyň “Telegram” jemgyýetçilik torunda mälim edilýär.
Russiýa turba geçiriji arkaly Hytaýa tebigy gazy “Sibiriň güýji” gaz geçirijisi arkaly “Gazprom” bilen CNPC kompaniýalarynyň arasynda gol çekilen uzakmöhletleýin alym-satym şertnamasynyň esasynda amala aşyrylýar.
“Sibiriň güýji-2” gaz geçijirisi we onuň Mongoliýanyň üsti bilen “Gündogar soýuzy” gaz geçirijisi arkaly Hytaýa iberiljek tebigy gaz möçberini ýyllyk 50 milliard kubmetre ýetirmek göz öňünde tutulýar.
2022-nji ýylda “Gazprom” 412.6 milliard kubmetr tebigy gaz öndürdi. Onuň 100.9 milliard kubmetri daşary ýurt bazarlaryna eksport edildi.