Fransiýada mundan beýläk jemgyýetçilik ýerlerindäki her bir adamdan waksina alanyndan soňky rugsatnama talap ediler. Ýurduň raýatlarynyň käbiri täze düzgüne boýun bolup, dessine waksina almaga döwtalap bolan bolsa, käbir adamlar bu düzgünleriň ynsan hukuklaryny bozmakdygyny aýdýarlar.
Pariždäki restoranlaryň biriniň eýesi Per Arnaunyň aýtmagyna görä, bu düzgün myhmansöýerlik kadalaryna ýaramaz täsir eder. Restoranlar mundan beýläk müşderilerini rugsatnama görä saýlap-seçmeli bolar.
― Bu talaplar çakdan aşa bolýar ― diýip, ol nägilelik bildirýär. ― Biz ýer eýesine däl-de, polisiýa işgärine meňzeýäris.
Degişli rugsatnama koronowirusa garşy waksina kabul edenler bilen bir hatarda bu keselden saplananlara, immuniteti güýçlenenlere hem berilýär.
Täze düzgünler Fransiýa baran syýahatçylara hem degişlidir.
Maşgala gatnaşyklarynda ýüze çykyp biljek soraglara kanuny jogaplar