Ispaniýanyň “Real Madrid” topary Braziliýanyň “Palmeýras” toparyndan 16 ýaşyndaky futbolçyny satyn aldy. Felipe Endrik täze toparyna 2024-nji ýylyň iýulynda goşular.
Endrigiň ispan topary bilen näçe ýyllyk şertnama baglaşylandygy barada maglumat berilmeýär. Ýöne käbir maglumatlara görä, şertnamanyň 2027-nji ýyla çenli baglaşylyp, ýene-de 3 ýyl uzadylmagy göz öňünde tutulýar.
Madridliler bu futbolça 60 million ýewro tölär, 35 million gönüden-göni berler, 25 million goşmaça tölener. Endrigiň aýlyk haky ýyllyk 2 million ýewro deň bolar.
2022-nji ýylda Endrik Braziliýanyň ýokary ligasynda 7 oýunda 3 gol geçirdi.