Fransiýanyň “PSŽ” topary Yklymara kubogynyň finalynda Braziliýanyň “Flamengo” toparyny ýeňdi we ilkinji gezek taryhynda bu kubogyň eýesi boldy.
Katarda geçirilen duşuşygyň esasy we goşmaça wagtlary 1:1 hasabynda tamamlandy. Kubogyň eýesi 11 metrlik jerime urgulary arkaly belli boldy. Fransuz toparynyň rus derwezeçisi Matweý Safanow 4 sany 11 metrlik jerime urgularyny saklap, toparynyň kubok gazanmagyna uly goşant goşdy we duşuşygyň iň gowy futbolçysy saýlandy.
Duşuşygyň 38-nji minutynda gruzin futbolçy Hwiç Kwarasheliýa bilen fransuz topary öňe saýlanypdy we 62-nji minutda Žoržinýo 11 metrlik jerime urgusy bilen hasaby deňledi.
Duşuşykdan soňra Matweý Safonow 11 metrlik jerime urgularyndan Saul Nigesiň, Pedronyň, Leo Pereýranyň we Luis Araužonyň toplaryny saklamagy başardy.
Yklymara kubok — Ýewropa we Günorta Amerika futbol konfederasiýalary tarapyndan bu yklymlaryň esasy klub ýaryşlarynyň ýeňijileriniň arasynda geçirilýän futbol bäsleşigidir. Oňa UEFA-nyň Çempionlar ligasynyň (öň — Ýewropa çempionlarynyň kubogy) we Libertadores kubogynyň ýeňijileri gatnaşýar.
Bu kubok her ýyl 1960-njy ýyldan 2003-nji ýyla çenli geçirildi, soňra bolsa klublar arasynda dünýä çempionaty bilen üýtgedildi. Emma 2024-nji ýylda Yklymara kubogy gaýtadan dikeldildi.