Azerbaýjan Türkmenistanyň Birleşen Milletler Guramasynyň (BMG) goldawy bilen Bitaraplyk uniwersitetini döretmek baradaky başlangyjyny goldaýar.
Bu barada Azerbaýjanyň Premýer-ministri Ali Asadow Türkmenistanyň Bitaraplygynyň 30 ýyllygyna bagyşlanan Halkara parahatçylyk we ynanyşmak forumynda eden çykyşynda mälim etdi.
Asadow: “Türkmenistanda BMG-niň goldawy bilen Bitaraplyk uniwersiteti döredilýär. Azerbaýjan Respublikasy Türkmenistanyň ony döretmek baradaky başlangyjyna ýokary baha berýär we uniwersitetiň işine işjeň gatnaşmaga taýýardygyny bildirýär” diýdi.
Premýer-ministr Azerbaýjanyň Türkmenistan tarapyndan BMG-de öňe sürlen Bitaraplyk bilen baglanyşykly kararnamalary hemişe goldandygyny we “Halkara parahatçylyk we ynanyşmak ýyly – 2025” atly Kararnama awtorlaşdyryjylaryň biri hökmünde goşulandygyny nygtady.
Hökümetiň başlygy: “Biz doganlyk Türkmenistanyň bu başlangyçlaryny ählumumy parahatçylygyň we howpsuzlygyň gurluşyna goşulan möhüm goşant hasaplaýarys” diýip, aýratyn belledi.