Ozal hem habar berlişi ýaly, geçen hepdäni anna güni Türkmenistanyň we Pakistanyň Prezidentleriniň arasynda telefon arkaly söhbetdeşlik geçirildi. Bu söhbetdeşligiň çäginde milli Liderimiz Gurbanguly Berdimuhamedow we dostlukly döwletiň Prezidenti Arif Alwi köpugurly türkmen-pakistan gatnaşyklary TOPH gaz geçirijisi, TOP elektrik taslamasy we beýleki ugurlar boýunça möhüm wezipeleri ara alyp maslahatlaşdylar.
Pakistan Lideri özüniň resmi Twitter hasabynda bu söhbetdeşlige ýokary baha berdi — diýip, APP habarlar agentligi ýazýar. Pakistan Lideri hasabynda «Türkmenistanyň Prezidenti bilen söhbetdeş bolmak we Bakuwda geçirilen ýürekdeş gepleşiklerimizi dowam etdirmek diýseň ýakymlydy» diýip, bu söhbetdeşligiň ähmiýetine ýokary baha berdi. Şeýle hem ol söhbetdeşligiň çuňňur many-mazmuna eýe bolandygyny nygtady.
Pakistanyň Prezidentiniň metbugat gullugynyň ýazmagyna görä, iki ýurduň Liderleri ikitaraplaýyn gatnaşyklardan kanagatlanýarlar. Olar söwda, ykdysady we energiýa hyzmatdaşlygyny mundan beýläk hem diwesifikasiýa ýoly bilen ösüdürmegiň tarapdary.
Hukuk we beýleki ugurlara degişli peýdaly maslahatlaryň jemlenen sahypasy-peýdaly maslahat sahypasy
