Berkarar döwletiň täze eýýamynyň Galkynyşy döwrüniň “Pähim-paýhas ummany Magtymguly Pyragy” ýylyny ýeňişlere besleýän türkmen ili hormatly Prezidentimiziň baştutanlygynda döwletli döwranyň binýadyny berkden tutýar. Garaşsyz döwletimizi durmuş-ykdysady taýdan ösdürmekde ajaýyp özgertmeleriň giňden ýaýbaňlandyrylyp, täze tehnologiýalaryň, innowasiýalaryň ornaşdyrylmagyna uly üns berilýär.
Arkadagly Gahryman Serdarymyzyň başda durmagynda milli ykdysadyýetimiziň ähli pudaklarynda öňdebaryjy tehnologiýalary ornaşdyrmakda uly işler amal edilýär. Döwlet Baştutanymyzyň oýlanyşykly ykdysady syýasaty “Pähim-paýhas ummany Magtymguly Pyragy” ýylynda düýpli özgertmeleriň rowaçlanmagyna itergi berýär. Şeýlelikde, Garaşsyz döwletimiziň ykdysady kuwwaty barha ýokarlanýar.
Eziz Diýarymyzda ähli ugurlarda gazanylýan ösüşler «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynda» kesgitlenen wezipeleriň üstünlikli durmuşa geçirilýändiginiň subutnamasydyr. Ýurdumyzda giň gerimde bellenilip geçilýän şanly seneler mynasybetli medeni-durmuş, önümçilik maksatly binalaryň yzygiderli ulanmaga berilmegi Watanymyzyň ykdysady kuwwatynyň barha berkeýändiginiň aýdyň mysalydyr. Bu halkymyzy ýeneki zähmet üstünliklerine ruhlandyrýar.
Geljekde uly üstünlikleriň gazanylmagynda bolsa, şu günki ýaş nesliň bilimli we giň dünýägaraýyşly, maksada okgunly, sagdyn, sanly ulgamyň mümkinçiliklerinden ökdelik bilen baş çykaryp bilýän adamlar bolup ýetişmekleri ilkinji şertleriň biridir. Şol esasdan, ýaşlar baradaky döwlet syýasatynyň çäklerinde edilýän alada ýurdumyzda amala aşyrylýan giň gerimli özgertmeleriň özenini düzýär diýip, ynamly aýdyp bileris.
Milli ykdysadyýetimiziň ösüşinde önümçiligiň aýratyn orny bolup, häzirki wagtda diňe bir senagat önümçiligi däl, eýsem, elektron önümleriň öndürilýändigi aýratyn bellenmäge mynasypdyr. Bu önüm öndürijilere giň mümkinçilikleriň döredilýändigini we innowasion ösüşiň üstünlikli ýola goýulýandygyny beýan edýär. Bu günki gün önüm öndürijiler telekeçilik ugrunyň ösmegine, içerki bazaryň harytlar bilen üpjün edilmegine goşant goşýarlar. Ýurdumyz sanly tehnologiýalary ulanmak arkaly täze senagat düzümlerini kemala getirmegiň hasabyna çalt depginde döwrebaplaşdyrmak ugruny işjeň amala aşyrýar.
Döwlet syýasatynda ileri tutulýan durmuş ugurlaryny ösdürmek çärelerini nazarlaýan ýurdumyzyň ösdürilmegiň Maksatnamasynda 2024-nji ýylda maliýeleşdirmegiň ähli çeşmeleriniň hasabyna jemi 38,5 milliard manat möçberde maýa goýumlaryň özleşdirilmegi nazarda tutuldy. Şol sanda onuň önümçilik böleginde 26,1 milliard manatlyk maýalyk serişdeleri özleşdirmek göz öňünde tutulýar. Bu hem ýurdumyzyň ykdysady kuwwatynyň has-da pugtalanjakdygyndan söz açýar.
Ata Watanymyzy ösüşiň aýdyň ýolundan öňe alyp barýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun!
Azym Sähedow,
Türkmen döwlet maliýe institutynyň
Hasap we audit fakultetiniň
Buhgalterçilik hasaba alnyşy we audit taýýarlyk ugrunyň 1-nji ýyl talyby.