Koronawirus ýokanjynyň täze “omikron” görnüşi howa gatnawlaryna hem özüniň ýaramaz täsirini ýetirýär. ABŞ-nyň “FlightAware” uçar gatnawlarynyň maglumat merkeziniň habayrna görä, soňky birnäçe günde dünýäde jemi 6 müňden gowrak uçar gatnawlary ýatyryldy.
Maglumata görä, gatnawlaryň ýatyrylmagynyň esasy sebäbi “omikron” görnüşiniň halkara howa gatnawlarynyň işgärlerine täsir etmeginiň öňüni almak maksady bilen geçirilýär.
ABŞ-da soňky 2 günüň dowamynda ortaça koronawirus wakalarynyň sany 200 müňe golaýlady. Angliýada bolsa 119 müňden gowrak koronawirus wakalary hasbaa alyndy. Ýewropa ýurtlarynyň ýene-de köp sanlysynda wakalar yzygiderli artýar.
Germaniýada hem koronawirusyň täze “omikron” görnüşi bilen aradan çykan ilkinji waka hasaba alyndy. Aradan çykan hassanyň 60-79 ýaş aralygyndaky raýat bolandygy we ýurtda 3 müňden gowrak “omikron” bilen kesellän hassalaryň hasaba alnandygy bellenildi.