Halkara parahatçylyk we ynanyşmak ýyly, Halkara Bitaraplyk güni we Türkmenistanyň hemişelik Bitaraplygynyň 30 ýyllygy mynasybetli geçirilýän dabaralara gatnaşmak üçin dünýäniň dürli döwletlerinden myhmanlaryň gelmegi dowam edýär.
Eswatininiň Premýer-ministri Rassel Dlamini hem-de Mýanmanyň Premýer-ministri Nýu So Türkmenistanyň paýtagty Aşgabada geldi.
Daşary ýurtly myhmanlaryň Aşgabada gelmegi dünýä döwletleriniň Türkmenistan bilen hyzmatdaşlyga uly gyzyklanma bildirýändiginiň subutnamasydyr.
Aşgabatdaky forum dünýäde parahatçylygyň, durnuklylygyň hem-de durnukly ösüşiň üpjün edilmegine möhüm meýdança bolup hyzmat eder.