UEFA guramasy tarapyndan Ýewropanyň futbol boýunça milli ýygyndylarynyň arasynda geçirilýän Milletler Ligasynda nobat final duşuşygyna geldi. Bu ýaryşyň finalynda Ispaniýa bilen Fransiýanyň milli ýygyndylary duşuşar.
Ýarym final duşuşyklarynyň ilkinjisinda Ispaniýanyň ýygyndysy Italiýany 2:1 hasabynda ýeňdi.
Ýarym finalyň beýleki duşuşygynda bolsa, Fransiýanyň ýygyndysy Belgiýany 3:2 hasabynda ýeňmegi başardy. Bu duşuşykda Belgiýanyň ýygyndysy 37-nji minutda Karrasko we 40-nji minutda Lukaku bilen 2:0 hasabynda öňe saýlandy.
Ýöne duşuşygyň ikinji ýarymynda Didýe Deşamyň futbolçylary tijenip, 62-nji minutda Benzema, 69-njy minutda Mbappe we 90-njy minutda Ernandes tapawutlanyp, Fransiýany finala çykardy.
10-njy oktýabrda Italiýanyň “San-Siro” stadionynda Ispaniýanyň we Fransiýanyň ýygyndylarynyň arasynda final duşuşygy geçiriler.