Türkiýäniň “VavaCars Fatih Karagümrük” topary italýan tälimçisi Andrea Pirlo bilen bir ýyllyk şertnama baglaşdy. 43 ýaşly tälimçi “Fatih Karagümrük” bilen bir ýyllyk şertnama baglaşdy. Gol çekişlik dabarasyna klubyň wise-prezidenti Serkan Hurma gatnaşdy.
Pirlo futboly gowy görýändigini we Super ligany yzarlaýandygyny mälim edip: “Bu toparda beýleki italýanlaryň oýnandygyny bilýärdim. Gepleşikler birnäçe hepde öň başlandy. Bu ýere gelmegim möhümdi. Toparyň maksatlary meniň ünsümi çekdi. Mende-de şuňa meňzeş arzuwlar bardy we şu wagt bir ýere ýygnandyk” diýip belledi.
Futbolçylyk karýerasynda «Breşiýa», «Inter», «Milan», «Ýuwentus», «Nýu Ýork Siti» ýaly klublarda oýnady. Ol «Ýuwentusyň» U23 toparyna, soňra-da 2020/21 möwsüminde-de Ýuwentus toparyna tälim berdi. «Ýuwentus» onuň tälimçiliginde Italiýanyň Kubogyna hem-de Super Kubogyna mynasyp boldy.