Merkezi Aziýa döwletleriniň Prezidentleriniň şu ýylyň 26-njy ýanwarynda Hindistanyň milli baýramy – Respublika gününiň dabaralaryna gatnaşmagy göz öňünde tutulýardy.
Emma häzirki wagtda dünýäde koronawirus ýokanjynyň çalt depginde ýaýramagy sebäpli Merkezi Aziýa ýurtlarynyň döwlet Baştutanlary Respublika gününiň dabaralaryna gatnaşmak üçin Hindistana gelmeýändikleri habar berildi. Bu barada Hindistanyň “ANI” habarlar gullugy habar berýär.
– Merkezi Aziýadan myhmanlar koronawirus sebäpli Respublika gününiň dabaralaryna gatnaşmaýarlar – diýip, neşirde bellenilýär.
Mälim bolşy ýaly, Hindistanyň Premýer-ministri Narenra Modi geçen ýylyň ahyrynda Merkezi Aziýa döwletleriniň Baştutanlaryny Respublika gününiň dabaralaryna çagyrypdy.
Şeýle hem Hindistanda Merkezi Aziýa-Hindistan dialogynyň ýokary derejedäki sammitini hem geçirmek göz öňünde tutulypdy.