Daşkent şäherinde ýerleşýän Kongres merkezinde Merkezi Aziýa döwletleriniň Baştutanlarynyň ýedinji konsultatiw duşuşygy geçirildi. Özbegistanyň Prezidenti Şawkat Mirziýoýewiň başlyklyk etmeginde guralan sammite hormatly Prezidentimiz Serdar Berdimuhamedow, Gazagystanyň Prezidenti Kasym-Žomart Tokaýew, Gyrgyzystanyň Prezidenti Sadyr Žaparow, Täjigistanyň Prezidenti Emomali Rahmon hem-de hormatly myhman hökmünde Azerbaýjanyň Prezidenti Ilham Aliýew gatnaşdylar.
Merkezi Aziýa döwletleriniň Baştutanlarynyň ýedinji Konsultatiw Duşuşygynyň netijeleri boýunça Bilelikdäki Beýanat kabul edildi.
Mundan başga-da, döwlet Baştutanlary tarapyndan aşakdaky möhüm resminamalar kabul edildi:
-
BMG-niň Howpsuzlyk Geňeşiniň 2027-2028-nji ýyllar döwri üçin hemişelik däl agzalygyna Gyrgyz Respublikasynyň dalaşgärligi boýunça BMG-ä agza döwletlere ýüzlenme;
-
Azerbaýjan Respublikasynyň Merkezi Aziýa döwletleriniň Baştutanlarynyň Konsultatiw Duşuşygyna doly hukukly gatnaşmagy hakynda Karar;
-
Merkezi Aziýada sebitleýin howpsuzlyk we durnuklylyk Konsepsiýasy;
-
Merkezi Aziýanyň howpsuzlyk töwekgelçilikleriniň Katalogy we olaryň öňüni almak boýunça 2026-2028-nji ýyllar üçin çäreler.