2022-nji ýylda Hytaý-Merkezi Aziýa gaz geçirijisi arkaly Hytaýa 43,2 milliard kubmetr möçberinde tebigy gaz iberildi. Bu barada “Sinhua” habarlar gullugy habar berýär.
“PipeChina West Pipeline Company” kompaniýasynyň maglumatyna görä, her gün bu gaz geçirijisi arkaly 100 million kubmetr möçberinde tebigy gaz akdarylýar. 2022-nji ýylyň ahyryna çenli ýagdaýa görä, 2009-njy ýylda ulanmaga berlen bu gaz geçiriji arkaly Hytaýa 423.2 milliard kubmetr tebigy gaz iberildi.
Kompaniýanyň berýän maglumatyna görä, gaz geçirijiniň bir gije-gündüziň dowamynda geçirijilik kuwwaty 163 million kubmetrden hem gowrakdyr.
Bu gaz geçirijisi Türkmenistanyň serhedinden başlap, Özbegistanyň we Gazagystanyň üsti bilen Hytaýyň Horgos şäherindäki “Günbatar-Gündogar” gaz geçirijisine birleşýän ilkinji tarnsmilli gaz geçirijisidir.
Bu gaz geçirijisi arkaly akdyrylýan tebigy gazy Hytaýyň 27 welaýatynyň 500 milliondan gowrak sarp edijileri giňden ulanýar.