Şu gün Angliýanyň milli çempionatynyň 20-nji tapgyrynda “Mançester” derbisi geçirildi. Onda “Mançester Ýunaýted” topary öz meýdançasynda “Old Trafford” stadionynda “Mançester Siti” toparyny kabul etdi.
Duşuşygyň birinji ýarymy 0:0 tamamlandy. Oýnuň 2-nji ýarymynda 60-njy minutda Jek Griliş bilen “Mançester Siti” topary öňe saýlandy.
Emma “Ýunaýted” topary birjikde ruhdan düşmän 78-nji minutda Bruno Fernandes hem-de 82-nji minutda Markos Raşforduň gollary bilen 2:1 hasabynda ýeňiş gazandy.
Bassyr 5 duşuşykdan bäri ýeňiş gazanyp gelýän “Mançester Ýunaýted” topary 38 utuk bilen, çempionatda 3-nji orny eýeledi.
Çempionatda ikinji orundaky “Mançester Siti” toparynyň 39 utugy bar.
Häzirki wagtda Angliýanyň milli çempionatynda “Arsenal” topary netijeli çykyş edip, 1 duşuşyk az oýnap, 44 utuk bilen birinji orunda barýar.