Russiýaly garyşyk söweş sungaty boýunça (MMA)türgeni Yslam Mahaçew awstraliýaly Jek Della Maddalenany ýeňip, UFC-niň ýarym orta agram derejesindäki çempionlyk guşagyna eýe boldy. “UFC 322” ýaryşy Nýu-Ýork şäherinde geçirildi.
Bütin bäş döwüň jemi boýunça eminleriň biragyzdan çykaran karary bilen duşuşyk tamamlandy.
Mahaçewiň ýaşy 34, onuň hasabynda indi 28 ýeňiş we 1 ýeňliş bar. Russiýaly türgeniň 16 duşuşykdan ybarat ýeňiş tapgyry bar, onuň ýeke-täk ýeňlişi 2015-nji ýylyň oktýabrynda braziliýaly Adrian Martins bilen bolan çykyşynda bolupdy.
Ol 2022-nji ýylyň oktýabryndan 2025-nji ýylyň maýyna çenli UFC-niň ýeňil agram derejesindäki çempionlyk guşagyna eýelik etdi.
Yslam Mahaçew UFC — Absolýut göreş çempionatynyň iki agram derejesinde çempionlyk guşagyny gazanan Russiýanyň ilkinji wekili boldy.
Şeýle hem russiýaly Yslam Mahaçew UFC — Absolýut göreş çempionatynda ýeňiş tapgyrynyň dowamlylygy boýunça braziliýaly Anderson Silwanyň rekordyny gaýtalady.