“Milan” toparynyň ýarymgoragçysy Luka Modriç Italiýanyň çempionatynda gol geçiren iň ýaşuly ýarymgoragçy boldy. 40 ýaşyndaky horwat futbolçy “A” seriýasynyň 3-nji tapgyryndaky “Bolonýa” toparyna garşy oýnunda (1:0) ýeke-täk goly geçirdi.
Şeýlelikde, ol 1961-nji ýylyň mart aýynda “Milan” toparynyň düzüminde “Intere” garşy oýunda (2:1) gol geçiren şwesiýaly Nils Lidholmyň 38 ýaş 169 günlik rekordyny täzeledi.
9-njy sentýabrda Modriç 40 ýaşyny belledi. Ol häzirki wagtda iň gowy 5 liganyň iň ýaşuly oýunçylarynyň üçlügine girýär. Onuň bilen bilelikde 41 ýaşly “Nissa” toparynyň goragçysy Dante we 40 ýaşly “Owedo” toparynyň ýarymgoragçysy Santi Kasorla hem bu sanawda bar.
Modriç geçen tomusda “Real Madrid” toparyndan erkin futbolçy hökmünde Italiýanyň “Milan” toparyna geçdi. Ol “Milan” toparynda dört oýun oýnap, bir gol geçirdi we bir goluň pasyny berdi. Modriçiň şertnamasy 2026-njy ýylyň tomsuna çenli dowam edýär we ýene bir möwsüm uzaltmak mümkinçiligi bar.