Russiýanyň daşary işler ministri Sergeý Lawrow Hazar deňziniň güni mynasybetli Hazarýaka döwletleriň Russiýadaky ilçileri – Azerbaýjanyň ilçisi Polat Bülbülogly, Eýranyň ilçisi Kazem Jalali, Gazagystanyň ilçisi Dauren Abaýew we Türkmenistanyň ilçisi Batyr Niýazlyýew bilen duşuşdy. Bu barada Russiýanyň daşary syýasat edarasynyň resmi saýtynda bellenilip geçilýär.
Duşuşykda Hazar sebitindäki köptaraplaýyn hyzmatdaşlyk meseleleri boýunça pikir alşyldy. Hazar bäşlisiniň arasynda mundan beýläk-de hyzmatdaşlygy ösdürmegiň ugurlary ara alnyp maslahatlaşyldy. Şeýle hem Moskwa şäherinde öňde boljak Hazarýaka döwletleriniň daşary işler ministrleriniň duşuşygyna görülýän taýýarlyklar maslahatlaşyldy.
Sergeý Lawrow Hazar deňzini gyzyklandyrýan ähli ugurlar boýunça giňişleýin maglumat berdi. Şeýle hem Hazaryň saýlaşmagy bilen baglanyşykly meseleler barada durup geçdi. Bu barada 2022-nji ýylyň 29-njy iýunynda Aşgabatda geçirilen VI Hazarýaka sammitinde hem maslahatlaşylandygyny belledi.