Kýurasao futbol boýunça dünýä çempionatyna gatnaşýan ýurtlaryň arasynda iň az ilatly döwlet boldy we bu ugurda taryhda ilkinjileriň biridir.
Kýurasao ýygyndysy ilkinji gezek taryhynda dünýä çempionatyna çykdy, ol Demirgazyk we Merkezi Amerika hem-de Karib basseýni ýurtlaryny birleşdirýän KONKAKAF-nyň saýlama tapgyrynyň üçünji basgançagynda birinji orny eýeledi. Halkara Futbol Federasiýasynyň (FIFA) reýtinginde topar 82-nji ýerde durýar.
2023-nji ýylyň ilat ýazgysyna laýyklykda, adanyň ilatynyň sany 155,8 müň adama barabar. Bu görkeziji boýunça Kýurasao 2018-nji ýylda Russiýada geçirilen dünýä çempionatynda ilkinji gezek gatnaşan Islandiýadan öňe saýlandy. Islandiýanyň ilaty takmynan 400 müň adam.
Şeýle hem Kýurasao dünýä çempionatlarynyň taryhynda iň kiçi territoriýany wekilçilik eder, adanyň meýdany 444 inedördül kilometre deňdir.
Kýurasao Niderlandlar Patyşalygynyň düzümine girýän döwlet düzüminiň biridir. 2010-njy ýyla çenli ada Niderland Antil adalarynyň bir bölegi bolupdyr.