Dünýä belli Kembrij uniwersitetiniň çaphanasy ýokary bilim ulgamy üçin onlaýn formatda kitaplar taýýarlady. Dünýäde koronawirus ýokanç keseliniň (COVID-19) ýaýramagy bilen Kembrij uniwersiteti öz kitaplary tutuş dünýä jemgyýetçiligine açdy. “Cambridge Core” arkaly 700-den gowrak taýýar edildi we ulanmaga mümkinçilik döredildi.
Bu kitaplara erkin aralaşmak möhleti 2020-nji ýylyň maý aýynyň ahyryna çenli dowam edýär. Kembrij uniwersitetiniň ähli okuw maksatnamasy esasynda fizika, Ýer baradaky ylym, tebigy ylymlar, matematika, inženerçilik, jemgyýetçilik ylymlary we gumanitar ylymlar boýunça kitaplardan peýdalanmak bolýar.
Neşirler iň täze ylmy we tehniki ösüşleriň üstünde işleýän awtorlar bilen bilelikde okuwyň, okatmagyň zerurlyklaryny göz öňünde tutup işlenip düzüldi, şonuň üçin kitaplar okuw meýilnamasynyň täze mowzuklaryna höweslendiriji we öňdebaryjy materiallar berip biler.
Okuw çeşmeleriniň köpüsinde, dünýädäki mugallymlaryň we talyplaryň isleglerini has hem kanagatlandyrmak üçin goşmaça onlaýn hyzmatlar we çeşmeler bar.