Tanymal hytaýly aktýor Jeki Çanyň meşhur “Taňrynyň esbaplary” (“Доспехи Бога”) atly çeper filiminiň 4-njisi Gazagystanda surata düşüriler. Bu barada “Salem Entertaiment” mediakompaniýays habar berdi.
Golaýda meşhur aktýor Gazagystanda saparda bolup, özüniň täze filminiň düşüriljek ýerleri barada maglumat aldy.
– Biz Jeki Çanyň Almaty şäherine geleniniň uly seslenme döredendigini bilýaris. Gürrüň täze film – “Taňrynyň esbaplary: Ultimatum” atly filmiň üstünde işlemek barada gidýär” diýip, kompaniýa jemgyýetçilik torlarynda habar berdi.
Jeki Çanyň bu filminiň ilkinjisi 1986-njy ýylda surata düşürilipdi. Şondan soňra bu filmiň ýene-de 2-si surata düşürildi we olar tutuş dünýäde tomaşaçylarda uly gyzyklanma döretdi.