SPORT

Italiýanyň çempiony – “Napoli”

Italiýanyň milli futbol çempionatynyň çempiony belli boldy. Çempionatyň 38-nji tapgyrynda “Kalýari” topayrny 2:0 hasabynda ýeňen “Napoli” topary 4-nji gezek Italiýanyň çempiony bolmagy başardy.

Bu duşuşykda 42-nji minutda Skott Maktominiý we 51-nji minutda Romelu Lukaku tapawutlandy.

“Napoli” toparynyň baş tälimçisi Antonio Konte jerime alandygy sebäpli duşuşygy stadiondan tomaşa etdi.

4-nji çempionygyny gazanan bu topar 1986/87-nji ýylda, 1989/90-njy ýylda we 2022/23-nji ýylda çempion bolmagy başarypdy. Bu görkeziji bilen topar Italiýada iň köp çempion bolan toparlaryň sanawynda 8-nji orny eýeledi.

Italiýada 36 gezek çempion bolan “Ýuwentus” topary 1-nji orunda, 20 çempionlyk bilen “Inter” topary 2-nji, 19 çempionlyk bilen “Milan” topary 3-nji orunda durýar.

“Napoli” toparynyň baş tälimçisi Antonio Konte Italiýada 5-nji gezek çempionlyk derejesine eýe bolup, bu ugurda Marçello Lippi hem-de Fabio Kapellonyň görkezijileri bilen deňleşdi. Italiýada iň köp çempionlyk derejesine eýe bolan tälimçiler Jowanni Trapatoni 7 gezek we Massimiliano Allegri 6 gezek.

Şol bir wagtda Konte bu çempionlyk derejelerini 3 aýry topar bilen gazanan ilkinji tälimçi boldy. Ol 3 gezek “Ýuwentus” hem-de 1 gezek “Inter” topary bilen çempion bolupdy.

Konte 2024-nji ýylda bu topara tälimçi bellenilip, tälimçiliginiň ilkinji ýylynda toparyny çempion etmegi başardy.

Related posts

Belgiýa bilen Fransiýa dünýä çempionatyna gatnaşar

“Atletiko Madrid” topary gazak futbolynyň ösüşine goşant goşýar

Aşgabatda Dewisiň Kubogy ýaryşy geçiriler

Ata Watan Eserleri