Italiýada Milan we Kortina-d’Ampezso şäherlerinde geçirilýän XXV Gyşky Olimpiýa oýunlarynyň resmi açylyş dabarasy boldy. Açylyş dabarasyna BMG-niň Baş sekretary Antoniu Guterriş, şeýle-de Baş Assambleýanyň başlygy Annalena Berbok gatnaşdy.
Ýaryşlar 22-nji fewrala çenli dowam eder. Taryhda ilkinji gezek Olimpiýa oýunlary iki şäherde — Milan we Kortina-d’Ampezsoda geçirilýär.
Açylyş dabarasy Milan şäherindäki “San-Siro” stadionynda geçirildi we oňa 70 müňden gowrak tomaşaçynyň, şeýle-de dünýä meşhur ýyldyzlar gatnaşdy.
Oýunlara 100-e golaý ýurtdan takmynan üç müň türgen gatnaşýar. Sekiz sport görnüşi boýunça 16 ugurda jemi 116 medal toplumy paýlanar. Olimpiýa oýunlarynyň taryhynda ilkinji gezek iki Olimpiýa ody bir wagtda ýakyldy — biri Milanda Parahatçylyk Arkasynda, beýlekisi bolsa Kortina-d’Ampezsoda Dibonanyň meýdançasynda.
2026-njy ýylda Italiýada geçiriljek Olimpiýa we Paralimpiýa oýunlarynyň nyşanlary hökmünde iki sany tumarjyk saýlandy — Tina we Milo. Olaryň atlary ýaryşlary kabul edýän şäherlere yşarat edýär. Döredijileriň pikiriçe, bilesigeliji, sportçy we şadyýan Tina bilen Milo Italiýanyň häzirki zaman we okgunly ösüş ruhuny alamatlandyrýar.