2024-nji ýylyň 16-njy dekabrynda Türkmenistanyň Söwda-senagat edarasynyň binasynda “Iran Agro Fud” atly Eýranyň 16-njy ýöriteleşdirilen sergisi hem-de işewürler maslahaty öz işine başlady. EYR-nyň energetika ministri Abbas Aliabadiniň ýolbaşçylygyndaky wekiliýet gatnaşdy.
Bu ýöriteleşdirilen sergide we işewürler maslahatynda Eýran Yslam Respublikasynyň azyk pudagyna ýöriteleşen kompaniýalarynyň ýüzlerçesi öz harytlaryny hem-de hyzmatlaryny hödürleýärler.
Ýokary derejede guralan bu sergi Eýran Yslam Respublikasynda öndürilýän köp görnüşli önümleriň, ýokary tehnologiýaly enjamlaryň ýokary hilli harytlaryň tanyşdyrylyş dabarasyna öwrüldi.
Sergide azyk önümçiligine uly orun berlipdir. Şolaryň hatarynda «Ashuradeh Dairy», «Golestan Sabah Dairy» kompaniýalary dürli görnüşli süýt önümleri bilen tanyşdyrdylar. «ATP Group» kompaniýasynyň gazlandyrylan içgileri, şokoladly we süýji önümleri, «Mashhad Asana Behrouz» kompaniýasynyň gaplama we konserwirlenen önümleri, dürli miwelerden taýýarlanan mürepbeleri sergä gatnaşyjylaryň ünsüni çekdi. «Behchino» kompaniýasynyň dermanlyk ösümliklerden taýýarlanan melhemlik içgileridir çaýlary-da myhmanlarda uly gyzyklanma döretdi.
“Iran Agro Fud” atly Eýranyň 16-njy ýöriteleşdirilen sergisi hem-de işewürler maslahaty 18-nji dekabra çenli dowam eder.