Maý aýynda Hytaýyň eksporty geçen ýyl bilen dollar görnüşinde deňeşdirilende 28 göterim töweregi ýokarlandy. Import 51,1 göterim ýokarlandy, bu bolsa 2010-njy ýyldan bäri rekorddyr. Bir aýyň dowamynda söwda balansy gowy netijesi 45,5 milliard dollary düzýär.
Bu barada «Bloomberg»: «Ýurtda söwda «tupany» başlandy» diýip ýazýar.
Daşary ýurtlarda hytaý harytlaryna isleg artýar. Çalt ösüş harytlara bolan islegi ýokarlandyrdy, bu bolsa haryt bahalarynyň ep-esli ýokarlanmagyna sebäp boldy.
Ýylyň soňky bäş aýynda Russiýa bilen Hytaýyň arasyndaky söwda gatnaşygy geçen ýyl bilen deňeşdirilende 23,6 göterim ösdi (50,65 milliard dollara çenli). Russiýanyň eksporty 35,3 (22,921 milliard dollar), Russiýanyň harytlarynyň we hyzmatlarynyň importy 15,4 göterim ýokarlandy (27,735 milliard dollar).
Hytaý bilen ABŞ-nyň arasyndaky söwda gatnaşygy bäş aýda 52,3 göterim artyp, 279,64 milliard dollary düzýär. Şu ýylyň birinji çärýeginde Hytaýyň ykdysadyýeti rekord derejede 18,3 göterim ösen bolsa,geçen ýylyň degişli döwründe ol 6,8 göterim peseldi.
Ykdysady ösüşe birnäçe sebäpler öz täsirini ýetirýär. Meselem, içerki islegiň ýokarlanmagy, zähmet bazaryndaky durnuklylyk, işläp çykaryşyň ýokary öndürijiligini üpjün etmek we telekeçileriň garaşýan netijelerini gowulandyrmakdan ybaratdyr.
Türkmenistanyň “Döwlet-hususy hyzmatdaÅŸlygy hakyndaky” Kanuny güýje girdi