Angliýanyň “Liwerpul” toparynyň düzüminde 12 ýyl çykyş eden Jordan Henderson Saud Arabystanynyň “Al-Ittifak” topary bilen şertnama baglaşdy. Saud toparyna ozal “Liwerpul” toparynda oýnan Stiwen Jerrard tälim berýär.
12 ýylyň dowamynda iňlis topary bilen 8 kubok gazanan Henderson Stiwen Jerrard gidenden soňra “Liwerpul” toparynyň kapitanlygyna saýlanypdy.
Ilkibaşda saud toparyna geçmek islemeýän Henderson iňlis toparyndaky zähmet hakyndan 4 esse köp hak teklip edilenden soňra razy boldy.
Iňlis futbolçysy bilen 3 ýyllyk şertnama baglaşyldy.
Şeýle hem fransuz futbolçy Musa Dembele hem Saud Arabystanynyň “Al-Ittifak” toparynyň düzümine goşuldy. Bu futbolçy bilen 4 ýyllyk şertnama baglaşyldy.