Hazar deňziniň kenarýaka döwletleriniň kenar welaýatlarynyň häkimleriniň ilkinji duşuşygy Eýranyň demirgazygyndaky Reşt şäherinde geçirildi. “Hazar: Dostluk we sebitleýin ösüş üçin kKöpri” ady bilen geçirilen çärä Eýranyň daşary işler ministri Abbas Arakçy we medeni miras ministri Reza Salehi Amiri gatnaşdy.
Türkmenistanyň Hazar deňziniň kenaryndaky Balkan welaýatynyň häkimi Hojamyrat Aşyrmyradowyň ýolbaşçylygyndaky wekiliýet gatnaşdy.
Eýranyň daşary işler ministri Abbas Arakçy duşuşykda eden çykyşynda Eýran üçin Hazar deňziniň ähmiýetiniň Pars aýlagynyň ähmiýeti bilen deňdigini belläp, ýurduň Russiýa bilen strategik gatnaşyklaryna hem-de Hazarýaka döwletleriniň arasyndaky hyzmatdaşlygy giňeltmek baradaky ygrarlylygyny nygtady.
Ol Eýranyň ähli Hazarýaka döwletleri bilen “ajaýyp” gatnaşyk saklaýandygyny hem-de olaryň käbiri bilen strategik hyzmatdaşlyk ýola goýandygyny belledi.
Ýakynda geçirilen we geçiriljek ýokary derejeli saparlara degip geçip, Arakçy Prezident Masud Pezeşkianyň eýýäm Russiýa we Azerbaýjana sapar edendigini, indiki aýda bolsa Gazagystan we Türkmenistana saparyna taýýarlyk görülýändigini belledi.
Hazarýaka döwletleriniň häkimleriniň ilkinji duşuşygy geçirildi
