Türkmenistanyň Prezidentiniň Awazada geçirilen Birinji Hazar ykdysady forumynda Hazar deňzi arkaly ýük daşamagyň Gara we Baltika deňizleriniň kenaryna söwda arkaly çykmaga ýardam berjekdigi barada aýdanlary durmuşa geçýär. Muny «Türkmen Milli Logistik» kompaniýasynyň Gazagystanyň Kuryk deňiz porty bilen şertnama baglaşmagy hem tassyklaýar.
Bu şertnama Ukrainanyň Herson şäherinde geçirilenVII Baltika-Gara deňiz ykdysady forumynyň çäginde gol çekildi. Oňa laýyklykda, türkmen kompaniýasy bilen gazak porty Hazar deňzi arkaly ýük daşamak boýunça hyzmatdaşlyk ederler.
Bu hyzmatdaşlyga forumyň metbugat gullugy we dünýä metbugatynyň birnäçe sahypalary tarapyndan hem ýokary baha berildi.
Şu ýyl Ukrainada geçirilen VII Baltika-Gara deňiz ykdysady forumyna 13 döwletiň wekilleri gatnaşdy. Olaryň arasynda Polşa, Litwa, Gazagystan, Türkmenistan, Türkiýe, Iordaniýa, Bolgariýa, Finlýandiýa, Hindistan, Estoniýa, Eýran, Slowakiýa, Beýik Britaniýa döwletlerinden gelen wekiller bar.
Telekeçilik bilen meşgullanmak isleýän ýaşlaryň we telekeçileriň söýgüli sahypasy-Telekeçilik Sahypasy!
