Hazar deňziniň aşagyndan optiki-süýümli aragatnaşyk kabelini geçirmek boýunça gurluşyk işlerine 2025-nji ýylda girişiler. Bu barada Gazagystanyň Premýer-ministri Olžas Bektenow habar berdi.
– Üstümizdäki ýylda Hazar deňziniň aşagyndan optiki-süýümli aragatnaşyk kabelibiniň gurluşygyna başlanar – diýip, ol belledi.
Kabeliň uzynlygy 380 kilometr bolup, onuň maglumat geçirijilik kuwwaty sekuntda 400 terabite deň bolar. Taslamanyň maýa goýumynyň möçberi 50 million dollardan geçer.
2023-nji ýylda “Azertelekom” bilen “Gazaktelekom” telekommunikasiýa operatorlarynyň arasynda Hazar deňziniň aşagyndan Azerbaýjan-Gazagystan ugry boýunça Transhazar optiki-süýümli aragatnaşyk kabelini gurmak babatda bilelikdäki kärhanany döretmek şertnamasyna gol çekilipdi.