Ýaponiýanyň «Japan Airlines» awiakompaniýasy oktýabr aýyndan başlap, uçarlardaky we howa menzillerindäki ýüzlenmelerde «Hanymlar we jenaplar!» diýlen sözleri ulanmaz.
Mundan beýläk olar iňlis dilindäki bildirişlerde «Gadyrly ýolagçylar!» ýa-da «Gündiziňiz haýyrly!», «Agşamyňyz haýyrly!» ýaly jümlelerden peýdalanarlar. Şol sanda ýapon dilindäki «minna-sama» sözleri hem bildirişlerden aýrylar. Olaryň ýerine «hemmeler» diýen manyda gelýän söz ulanylar.
Näme üçin? Bu sowala kompaniýanyň wekili şeýle jogap berýär:
«Bizde indi adamlaryň jynsyna ýa-da haýsydyr bir başga aýratynlygyna seredip tapawutlandyrmaga, netijede kemsitmäge takat ýok. Goý, hemmeler deň hukuklydygyny bilsin».
Şeýle özgertmeleriň «Air Canada» we «EasyJet» kompaniýalarynda hem girizilendigini habar berýäris.
Hukuk we beýleki ugurlara degişli peýdaly maslahatlaryň jemlenen sahypasy-peýdaly maslahat sahypasy
