Habib Nurmagomedowyň oruntutary hökmünde garalýan Islam Mahaçew Awstraliýada “UFC 284” ýaryşynyyň çäklerinde Aleks Wolkanowski bilen duşuşdy.
Tutluşyk Islam Mahaçewiň peýdasyna tamamlandy. Emin agzalarynyň biragyzdan çykaran çözgüdi (48-47, 48-47, 49-46) esasynda Habibiň oruntutary ýeňil agramda dünýä çempionlygynyň guşagyny gorady.
Mahaçew 2022-nji ýylyň oktýabrynda ýeňil agramda çempion bolupdy. Ol şonda Çalrz Oliweýrany ýeňipdi.
Ol Wolkanowski bilen geçiren tutluşygynda çempionlyk guşagyny gorady. Şeýlelikde, ol 12-nji ýeňşini baýram edip, entek tutluşyklarda ýeňilip görmedi.