Şu ýylyň 7-14-nji fewraly aralygynda Hytaýyň Harbin şäherinde IX gyşky Aziýa oýunlary geçiriler. Bu gyşky oýunlara yklymyň 34 milli Olimpiýa komitetinden 1275 türgten gatnaşar.
Aziýanyň Olimpiýa Geňeşiniň maglumatyna görä, bu görkeziji oýunlaryň taryhynda rekorddyr. Saud Arabystany we Kamboja ilkinji gezek sportuň gyşky oýun görnüşlerine gatnaşýar.
Mundan ozal, Ýaponiýanyň Sapporo şäherinde geçirilen oýunlara 32 milli olimpiýa komitetinden 1147 türgen gatnaşdy. 8 ýyldan soňra Harbindäki oýunlarda türgenleriň sany 128-e ýetdi.
Türgenleriň 755-si erkek, 520-si zenan türgenler bolup, olar baýrakly orunlar üçin bäsleşer.
Mundan başga-da, gyşky Aziýa oýunlarynda medallaryň 32 toplumy üçin bäsleşikler gurnalar.
Mälim bolşy ýaly, Aziýanyň Olimpiýa Geňeşiniň düzüminde 45 milli olimpiýa komiteti bardyr. Guramanyň ştab-kwartirasy Kuweýtiň paýtagtynda ýerleşýär.