SPORT

Gwardiola üçin täze teklip

Meşhur ispan tälimçisi Hospe Gwardiola üçin Angliýanyň “Mançester Siti” topary täze şertnama hödürledi. Bu barada “Nýu Ýork Taýms” gazeti habar berýär.

Täze şertnama 1+1 görnüşinde bolup, şertnamanyň möhleti bir ýyl bolup, ýene-de bir ýyl uzaltmak mümkinçiligi bardyr. Ispan hünärmeniň häzirki şertnamasynyň möhleti 2025-nji ýylyň iýunynda tamamlanýar.

53 ýaşyndaky Gwardiola “Mançester Siti” toparyna 2016/2017-nji ýyldan bäri tälim berip gelýär. Şol döwürde bu topar 6 gezek Angliýanyň çempiony boldy, 2 gezek Angliýanyň kubogyny, 4 gezek Liganyň kubogyny, 3 gezek Angliýanyň Superkubogyny gazandy.

2023-nji ýylda Gwardiolanyň “Mançester Siti” topary bir möwsümde 4 kubogy ýagny, Çempionlar ligasynyň kubogyny, UEFA-nyň Superkubogyny we toparlaryň dünýä çempionatynyň kubogyny hem-de Angliýanyň çempionlyk kubogyny gazandy.

Ispan tälimçi mundan ozal, Ispaniýanyň “Barselona” hem-de Germaniýanyň “Bawariýa” toparlaryna tälim beripdi.

Gwardiola futbolçy hökmünde Ispaniýanyň “Barselona” topary bilen 6 gezek Ispaniýanyň çempiony boldy. 1992-nji ýylda Ispaniýanyň milli ýygyndysy bilen Olimpiýa çempiony boldy.

Gwardiola Halkara futbol federasiýasy tarapyndan 3 gezek “Ýylyň iň gowy tälimçisi” baýragyna mynasyp boldy.

Ýene-de okaň

“Liwerpul” topary ikinji gymmat futbolçysyny satyn aldy

Reşford “Barselona” toparynyň 36 ýyldan soň ilkinji iňlis futbolçysy boldy

Katar 2036-njy ýylda Olimpiýa oýunlaryny kabul etmäge taýýar

Ata Watan Eserleri

Türkmen türgenleri «Ýüpek ýoly – 2025» rallisinde birinjiligi eýelediler

Ata Watan Eserleri

Ýurdumyzyň Naýbaşy kubogy ugrundaky duşuşyk 26-njy sentýabrda geçiriler

“Mançester Ýunaýted” täze hüjümçisini hödürledi