ABŞ-nyň “Inter Maýami” topary Ispaniýanyň “Barselona” toparynda bilelikde oýnan 4 futbolçyny – Lionel Messi, Luis Suares, Serhio Buskets we Žordi Albany bir ýere jemlemegi başardy. Toparyň ýolbaşçylaryndan ozalky iňlis futbolçy Dewid Bekhem bu 4 futbolçynyň suratyny jemgyýetçilik torunda paýlaşdy we uly gyzyklanma döretdi.
Bu dört futbolçyny 2020-nji ýyldan ozal, “Barselona” toparynda tomaşa etmek mümkindi. Mundan soňra olary “Inter Maýami” toparynda görüp bolar.
ABŞ-nyň futbol çempionatynda arakesme dowam edýändigine garamazdan, janköýerler futbolçylaryň durmuşy bilen yzygiderli gyzyklanýarlar.
Täze möwsüm 21-nji fewralda başlaýar.