Gazagystan Respublikasynyň Prezidenti Kasym-Žomart Tokaýew 11-12-nji dekabrda Türkmenistanyň paýtagty Aşgabatda saparda bolar. Bu barada Gazagystanyň Prezidentiniň metbugat gullugy habar berýär.
Gazak Lideri Aşgabada saparynyň çäklerinde Halkara parahatçylyk we ynanyşmak ýylyna, Halkara Bitaraplyk gününe hem-de Türkmenistanyň hemişelik Bitaraplygynyň 30 ýyllygyna bagyşlanan halkara foruma gatnaşar.
11-nji dekabrda Kasym-Žomart Tokaýew öz ýurduna resmi sapar bilen baran Eýran Yslam Respublikasynyň Prezidenti Masud Pezeşkiany kabul eder. Eýran Yslam Respublikasynyň Prezidenti Masud Pezeşkian 10-njy dekabrda Astana şäherine resmi sapar bilen bardy.
Astanadaky duşuşyklar tamamlanandan soňra Gazagystanyň hem-de Eýranyň Prezidentleri Aşgabada gelerler.