Gazagystan 2024-nji ýylda Fransiýanyň paýtagty Pariž şäherinde geçiriljek XXXIII tomusky Olimpiýa oýunlary üçin resmi çakylyk aldy.
– Gazagystan XXXIII tomusky Olimpiýa oýunlary üçin resmi çakylyk aldy. Halkara Olimpiýa komitetinden Gazagystanyň Milli olimpiýa komitetiniň adyna resmi çakylyk haty iberildi – diýlip, ýurduň Medeniýet we sport ministrligi habar berdi.
Habar berlişine görä, XXXIII tomusky Olimpiýa oýunlary Fransiýanyň paýtagtynda 2024-nji ýylyň 26-njy iýuly-11-nji awgusty aralygynda geçiriler.
2017-nji ýylyň 13-nji sentýabrynda Perunyň Lima şäherinde geçirilen Halkara Olimpiýa komitetiniň mejlisinde Pariž 2024-nji ýyldaky dünýäniň iň iri ýaryşyny kabul ediji şäher hökmünde saýlanyp alyndy.
Mundan ozal, 1900-nji we 1924-nji ýyllarda Olimpiýa oýunlaryny kabul eden Pariž şäheri Beýik Britaniýanyň London şäherinden (1908, 1948 we 2012) soňra Olimpiýa oýunlaryny 3 gezek kabul edýän 2-nji şäher bolar.