Eýran Yslam Respublikasynyň daşary işler ministriniň hukuk we halkara meseleleri boýunça orunbasary, şeýle hem Eýranyň Hazar deňzi baradaky ýörite wekili Kazem Garibabadi Hazarýaka döwletleriniň kenarýaka welaýatlaryň häkimleriniň ilkinji sammitiniň geçirilmegini sebitleýin gatnaşyklaryň berkemegine gönükdirilen möhüm ädim hökmünde häsiýetlendirdi.
Onuň aýtmagyna görä, Hazarýaka sebitleriň wekilleriniň gatnaşmagy Hazar deňzi basseýninde ykdysady, ulag we ekologiýa ugurlarynda hyzmatdaşlygy ösdürmek üçin täze mümkinçilikleri döreder.
Forumyň çäginde üç mowzuk boýunça panel mejlisleri geçiriler:
* «Ykdysadyýet, maýa goýumlar we sebitleýin ösüş»,
* «Üstaşyr, logistika we “Demirgazyk–Günorta” halkara ulag geçelgesini ösdürmek»,
* «Ekologiýa, balykçylyk we Hazar deňziniň ekosistemasyny dikeltmek».
Hazarýaka sebitleriň häkimleriniň ilkinji sammiti noýabryň 27–28-ne aralygynda Gilýan welaýatynyň Reşt şäherinde welaýat administrasiýasynyň howandarlygynda geçiriler.