Russiýanyñ Olimp kubogyny almak üçin 1/4 finalynda “Açylyş arena” stadionynda “Spartak” bilen SSKA toparlary duşuşdylar. Oýun örän ýokary derejede geçirildi we gyzykly boldy. Oýnuñ 4-nji minutynda “Spartagyñ” oýunçysy Bakaýew ilkinji goly geçirdi. “Spartak” toparyndan 14-nji minutda Ponse tapawutlanmagy başardy. “Spartagyñ” hasapdaky artykmaçlygy garşydaşy SSKA toparyny hiç hili ýagdaýda ruhdan düşürmedi we oýnuñ 17-nji minutynda SSKA-nyñ oýunçysy Diweýew jogap topuny geçirmegi başardy. 45-nji minutda SSKA-ly Ahmetow deñlik goluny geçirip, toparyny has hem ruhlandyrdy. 90 minudyñ ahyrky netijesi 2-2 deñlik bilen tamamlandy, toparlar 30 minutlyk goşmaça wagt oýnamaly boldular. 107-nji minutda “Spartagyñ” oýunçysy Larsson, SSKA toparynyň derwezesine 3-nji goly gönükdirip, toparyna wajyp ýeñşi gazandyrdy.
***
Fransiýanyñ kubogyny almak üçin ýarym final duşuşygy geçirildi. Oýun “Lýon” futbol toparynyñ meýdançasynda geçirildi. Oýunda ilkinji bolup 11-nji minutda “Lýon” toparynyñ oýunçysy Terrier hasaby açdy, hatda bu duşuşykda “Lýonyñ” ýeñiş gazanmagyna garaşylýardy. Durşuna ýyldyzlardan düzülen PSŽ topary ýeñilmek barada pikir etmedi. 14-nji minutda K.Mbappe hasaby deñledi. 64-nji minutda Neýmar penaltidan dürs peýdalanyp hasaby 2-1 çykardy. Ýene-de K.Mbappe 70-nji minutda gol geçirdi. 81-nji minutda P.Sarabia hasaby artdyrdy. Ahyrky 5-nji topy 90+2 minutda K.Mbappe geçirip, bu oýunda öz adyna hettrigi ýazdyrmagy başardy. Şeýlelikde PSŽ futbol topary “Lýon” futbol toparyny 5-1 hasaby bilen ýeñmegi başardy we kubok ýaryşynda final çykdy.