Madridiň “Real” futbol kluby Ispaniýanyň çempionatynyň 10-njy tapgyrynyň öz meýdançasynda “Barselona” toparyny 2:1 hasabynda ýeňdi.
Ýeňiş gazanan toparyň gollaryny Kilian Mbappe (22-nji minutda) we Jude Bellinhem (43-nji minutda) geçirdiler. “Barselonanyň” toparyndan bolsa Fermin Lopes (38-nji minutda) tapawutlandy. 52-nji minutda Mbappe penalti ulanmagy başarmady.
Toparlar taryhda 305-nji gezek duşuşdylar. “Real” 112-nji ýeňşini gazandy, “Barselona” bolsa 129 gezek ýeňiş gazanypdy. 64 duşuşyk deňlik bilen tamamlandy. Bu toparlaryň şu möwsümde ilkinji duşuşygydy.
“Real” 27 utuk toplap, Ispaniýanyň çempionatynyň sanawynda 1-nji orny berkitdi. “Barselona” bolsa 22 utuk bilen 2-nji orunda ýerleşýär. Indiki tapgyrda “Real” 1-nji noýabrda “Walensiýany” kabul eder, “Barselona” bolsa ertesi gün öz meýdançasynda “Elçe” bilen duşuşar.