Ispaniýanyň Şa kubogy ugrundaky ýaryşyň final duşuşygy “El-Klasiko” duşuşygy boldy. Onda ispan futbolynyň 2 ägirdi “Barselona” bilen “Real Madrid” toparlary duşuşdy. Sewilýa şäherinde geçirilen duşuşykda “Barselona” topary esasy bäsdeşi “Real Madrid” toparyny 3:2 hasabynda utdy we Şa kubogynyň eýesi boldy.
“Barselona” toparyna ýeňiş getiren gollary 28-nji minutda Pedri, 84-nji Torres we 116-njy minutda Kunde geçirdi. “Real Madrid” toparyndan bolsa, 69-njy minutda Kilian Mbappe we 77-nji minutda Tçuameni tapawutlandy.
Ispanýanyň Patyşasynyň hem stadionda tomaşa eden duşuşygynda ýeňiş gazanan “Barselona” topary öz taryhynda bu arzyly kubogy 32-nji gezek gazandy we bu özboluşly rekordy boldy. Bu topar soňky gezek 2020/21-nji möwsümde bu kubogyň eýesi bolupdy.
“Real Madrid” topary bolsa, Ispaniýanyň Şa kubogy 20 gezek gazandy.
Mundan ozal, 2014-nji ýylda Ispaniýanyň Şa kubogy ugrundaky ýaryşyň final duşuşygynda “Barselona” bilen “Real Madrid” toparlary duşuşypdy.