Awstraliýanyň «Budget Direct» ätiýaçlandyryş kompaniýasy dünýädäki iň gymmat tölegli ýollaryň reýting-sanawyny yglan etdi.
Bu sanawa görä, Ýer ýüzündäki iň gymmat tölegli ýol Amerikanyň Birleşen Ştatlaryndaky Pensilwaniýa ýoludyr. Maglumatlara görä, bu ýoldan ýöremek üçin ulaglaryň sürüjileri 112,91 dollar tölemeli bolýarlar. Uzynlygy 580 kilometre barabar bolan ýol Pensilwaniýa Ştatynyň içinden geçýär.
Awstriýadaky Grossglokner ýoly bolsa bu sanawda ikinji orny eýeleýär. Ýöne iki ýoluň bahasynyň arasynda ýer bilen gök ýaly tapawut bar. Awstriýadaky ýoldan ýöremegiň bahasy 45 dollar.
Tölegli ýollaryň ortaça bahasy boýunça Şweýsariýa serişdänii iň köp talap edýän döwletdir. Bu ýurtda tölegli ýollaryň ortaça bahasy 26,5 dollar. Ikinji orundaky Awstraliýada munuň üçin 16,29, üçünji orundaky Farer adalarynda bolsa 16,28 dollar soralýar.