Ýaponiýada ýaşaýan dünýäniň iň garry ýaşaýjysy Kane Tanaka aradan çykdy. Iki jahan urşuny başyndan geçiren we ýaşan döwründe 5 imperatory gören Tanaka durmuşynyň soňky döwrüni Fukuoka prefekturasyndaky garrylar öýünde ýaşady.
Ol ýaşan döwründe gazly içgileri we şokolady gowy görýärdi. Ol 2019-njy ýylda dünýäniň iň garry ýaşaýjysy hökmünde ykrar edilipdi.
Şeýle hem ol Ginnesiň rekordlar kitabyna girizildi. Kane Tanaka Ýaponiýanyň özünde hem ömür dowamlylygy boýunça rekord goýmagy başarypdy.
Tanaka 2022-nji ýylyň 2-nji ýanwarynda 119 ýaşyny belledi. Ol 102 ýaşynda, ýagny 2005-nji ýylda garrylar öýüne ýerleşipdi.