«Tesla» kompaniýasyny esaslandyryjy we dünýäniň iň baý adamlarynyň biri Ilon Mask özüne degişli öýleriň ahyrkysyny hem satmak kararyna geldi. Has takygy, Mask San-Fransiskodaky öýüni satyp, mundan bir ýyl ozal beren sözünde tapyldy. Şonda ol özüne degişli gozgalmaýan emlägiň agramly bölegini satjakdygyny aýdypdy.
Bu barada milliarder «Twitterdäki» resmi hasabynda şeýle ýazdy:
«Ahyrky öýümi hem satmak kararyna geldim. Ony biraz ulurak maşgalanyň satyn almagy gerek. Bu jaý şeýle maşgala mynasyp».
Ýeri gelende aýtsak, Mask birki ýyllykda gereginden artyk mal-mülküniň bardygy sebäpli tankyt edildi. Şondan soň ol emläginiň bir bölegini satmak kararyna geldi. Şeýlelikde, ol 2020-nji ýylda Los-Anjelesdäki we San-Frasiskodaky kaşaň öýleriniň 7-sini 100 million dollara satdy. Ahyrky öýüni hem satansoň, onuň elinde özüne degişli ýekeje öý hem galmaz. Milliarder 2020-nji ýyldan bäri Tehasda özüne degişli «SpaceX» kompaniýasyndaky öýde ýaşaýar.