Dünýäniň iň gadymy sungat eseri Hytaýyň Tibet platosyndaky gaýalykda tapyldy. 226 müň ýyllyk diýlip kesgitlenen eliň yzlarynyň çeper maksat bilen ýasalandygyny kesgitlän hünärmenler, täze açyşyň adamzadyň näbelli taryhyna yşyk tutýandygyny aýtdy.
Hytaýyň Guançžou uniwersitetiniň alymlary şu wagta çenli dünýäde iň gadymy sungat eserini tapandyklaryny habar berdiler. Tibet düzlügindäki Kesang gaýalyklarynda 2018-nji ýylda ilkinji gezek tapylan eliň yzlary boýunça ylmy-barlag işleri tamamlandy. Bu gaýalykdaky eseriň 226 müň ýyllykdygy anyklandy.
Bu sungat eseriniň hakyky ýa-da hakyky däldigini anyklamak üçin hünärmenler Nýu-Ýorkuň Kornell uniwersitetinden arheolog Tomas Urban bilen birleşip, Nýu-Meksiko ştatynyň Ak gum milli seýilgähinde bilelikde iş alyp bardylar.
Aral boýunça Türkmenistanyň Milli maksatnamasy taýýarlandy